Beschreibung Liäbi JG-ler

Mir freue üs eu zum kommende JG-Obed am 1. Juli dörfe izlade!

Mir treffed üs am 19.30 ufem Birkehof z Schlaate und werded mitenand en gmüätliche Filmobed im Schüürkino verbringe. Afange tuet de Filmobed am 19.30 und goot solang bis ihr/ mir kei Lust me hend zum Filmluege 😉 Dos verusse wieder es bitzeli chälter wird empfehled mir eu zum für de Obed no wärmeri Chleider/ Schlofsack/ Decki oder wa au immer mitzneh damit ihr den au gnueg warm hend. Natürlich gits zwüsched de Film au en Snack, wener aber richtig vill Hunger hend chönder natürli au sus no öppis mitbringe zum chnabere…

Fürd Lüüt wo mitem Bus uf Schlaate chömed: Ihr chönd de Bus neh wo 19:16 z Schleitheim/ Salzbrunnen aachunnt und es wird eu dete öpper abhole und zum Birkehof ufefahre.

Kurz und knapp

- Was: Schüürkino am 1. Juli 😊
- Ort: Birkenhof, Schlaate
- Ziit: 19.30 ufem Birkehof oder 19:16 Bushaltistell Salzbrunnen
- Mitneh: ev. warmi Chleider/ Schlofsack/ Decki

Mir freued eus uf eu – bis gli!

Simon & Ursina

Wenn du regelmässig informiert sein willst, kannst du dich für unser Infomail anmelden: http://www.ref-sh.ch/gruppe/jupd