Mir sind dò für eu im Durachtal im Iisatz als Chircheschtand
:bi üs hät d Käthi – en klare Fall – all Fäde i de Hand.:

Si leitet, si weiblet, organisiert; si rennt für üs umenand!
:Si kennt sich us, si isch routiniert; si macht s mit Herz und Verschtand.:

Si planet mit üs e Chirchefescht und bache cha si au.
:Si denkt a alli, git immer s Bescht. Si isch e super Frau.:


E offes Ohr i de Pandemie, e Herz für de Jugendtreff,
:paar neui Verträg – da mo halt au sii. Wer macht s?
D Käthi, üsen Chef.:

Und immer verdankt si, wa jedes macht,
und macht doch selber so vill.
:Es hät üs drum scho e chli Chummer gmacht,
da d Käthi in Rueschtand will.

Etz isch Ziit zum Danke säge.
Du häsch so vill für üs tue.
:Mir wünsched dir Gottes Säge
und au e Bitzli meh Rue.: